The Credibility of the TV Network's Forums

Dahil sa kasalukuyang pangyayari sa ABS-CBN forums nitong mga nakaraang araw, lalo kong pinagsikapang pag-ingatan ang mga internet properties ko.

Ang MAGTIBAY ANIME Website na magta-tatlong taon na, ang ANIME KABAYAN Blog ko at ang huli, lalung-lalo na ang ZEN ANIME OTAKU HQ. Huwag sana kayong magtaka kung bihira na akong pumunta sa iGMA, QTV, ABS-CBN, Hero TV, Animax at sa iba pang mga forums. Bilang admin ng Zen HQ, responsibilidad ko ang pangalagaan at protektahan ito. Ito na rin ang nagsilbing tulay para maiparating ko ang mga saloobin ko.

With all due respect sa mga online anime fanatics na tambayan ang mga anime sections ng iGMA, QTV at ABS-CBN forums, dumating na naman ang puntong pinagdududahan ko ang kredibilidad ng mga TV network forums na ito.

Nito lamang Sabado, nag-premiere ang isa na namang Asianovela, ang It Started With a Kiss. Ayon mismo sa commercial ad nito, nagawang ipalabas ang naturang drama dahil sa kahilingan ng mga asianovela fans through the ABS-CBN forums. Most of the requests are posted from that forums.

Kung binabasa nga ito ng mga kinauukulan sa ABS-CBN ang kanilang online forum, talagang nakakatampo ang ginawa nila. Akalain mo, isang asianovela ang ipinalabas through instant request sa forums. HELLO? Hindi ba nila napapansin na meron pang anime section ang forums nila? They are also requesting, not only the titles. Hiling din naman na huwag naman sanang katayin ang mga anime episodes.

Sa iGMA forums naman, pahirapan ang mag-log-on at magpost doon. Kahit mga comments at suggestions, kailangan pang dumaan sa butas ng karayom para makalusot lang. I will tell you this, people... One of these days, sasabihin ko sa inyo kung gaano ka-ignorante at ka-ipokrito ang mga namamahala sa iGMA forums. Igiit man nila na walang taga-GMA 7 ang nasa pamunuan ng forums na ito o binabasa man ang mga nilalaman nito, alam ko na may mga members diyan na may kuneksyon sa GMA 7 na maaari ding agarang magpalabas ng mga programa through instant request sa forums. Lumalabas na ang pagiging bias nito sa programming. Ibang tao na kasi ang turing ng mga taga-iGMA kapag anime o isang anime fan na tulad ko ang nagpopost doon. Paliwanagan mo man ng maayos, pagmumurahin ka lang nila. May diskriminasyon nang ipinatutupad doon. Kaya hindi ako nagtataka kung nilalangaw na ang anime section ng iGMA forums. Hindi dahil sa ginawang clean-up, kundi dismayado na ang mga anime viewers doon. Bias talaga sila.

Di hamak na mas maganda na ang palakad ng QTV 11. They only give what we want. Pero bilib talaga ako sa lakas ng loob at katatagan na ipinakita ng mga namumuno ng Hero TV at Animax Forums. Kahit anong galit, batikos at pagmumura na ang inaabot ng mga leaders doon (especially mga mismong management), naroon pa rin sila para pakiharapan ang mga members doon. The only difference is, Hero TV make moves while Animax make screws.

One of these days, may pasasabugin ako sa inyo.